Л.Пүрэвбаатар: Миний хаус Монголынх биш Оросын хөрөнгө

ШШГЕГ-аас өнөөдөр /2019.06.24/ "Улаанбаатар төмөр зам" ХНН-ийн дарга асан Л.Пүрэвбаатарын амьдардаг Хан-Уул дүүргийн нутаг дэвсгэр буюу Зайсангийн аманд байрлах “Цэцээ гүн” хотхоны хаусыг албадан чөлөөлөх үйл ажиллагаа явуулахаар төлөвлөөд байна. Түүний энэхүү хаус нь 1.5 тэрбум төгрөгийн үнэтэй гэх мэдээлэл бий.

Энэ талаар "Улаанбаатар төмөр зам" ХНН-ийн дарга асан Л.Пүрэвбаатараас тодрууллаа.

Тэрбээр "Энэ байрыг Монгол, Оросын хамтарсан үйлдвэрийн ТУЗ-ийн дарга нар надад авч өгсөн. "Та энэ байранд амьдар. Бид танд сайн байр авч өгнө. Та авлига авч болохгүй. Байраар хангана" гэж хэлсэн. Надад унадаг галт тэрэг, машин өгсөн. Орон сууцаар хангасан. Тэгээд Хан-Уул дүүрэгт авч өгсөн юм. Шүүхийн шийдвэр бол Монгол хүний хаана амьдрах эрх хэмжээг хязгаарласан. Намайг Баянголд амьдардаг байж Хан-Уул дүүрэгт байр авлаа гэсэн. Энэ бол хүний эрх, эрх чөлөөнд халдсан явдал. Шүүхийн шийдвэр гүйцэтгэх байгууллагыг буруутгахгүй. Энэ байрыг чөлөөлөх, тодорхой үйл ажиллагаа явуулахгүй байх мэдэгдлийг Жигжиднямаад даалгасан. Тэр мэдэгдлийг хүлээж байсан гэхэд болно. Энэ байр бол "Улаанбаатар төмөр зам"-ын хөрөнгө. Монголынх биш Оросын хөрөнгө" гэх тайлбарыг өглөө.