Ерөнхий прокурор Б.Жаргалсайхан прокурорын газруудаа шалгаж эхэлжээ

Прокурорын ерөнхий газраас өнөөдрөөс аймаг, нийслэлийн прокурорын газруудад гэнэтийн шалгалт хийж байгаа юм байна.

Учир нь сүүлийн жилүүдэд прокурорын байгууллагын нэр хүнд унаж, хэрэг прокурор дээр очихоороо гацчихдаг гэх яриа ихээр гарах болсон. Мөн тус байгууллагын албан тушаалтнууд нь эрх мэдлээ хэтрүүлэн, урвуулан ашиглах зэргээр эдийн засгийн гэмт хэрэгт холбогдож хуулийн хариуцлага хүлээхгүй байгаа тухай асуудал ихээр яригддаг болсон.  Энэ мэтчилэн маш олон ноцтой асуудал  яригдаж байгаа нь прокурорын байгууллагын нэр хүндийг унагаж байна юм.

Тиймээс Улсын ерөнхий прокурор Б.Жаргалсайхан энэ асуудлуудыг цэгцлэн,  прокурорын байгууллагын нэр хүндийг сэргээх зорилгоор төлөвлөгөөт бус гэнэтийн шалгалтыг хийж байгаа юм байна. Энэ шалгалтын мөрөөр их цэвэрлэгээ хийхээр төлөвлөж байгаа аж. 

Хэрэв энэ их цэвэрлэгээ оновтой үр дүнтэй байж чадвал прокурорын байгууллагууд нийгэмд шударга ёсыг тогтоох, нийгэм, ард иргэдийн бухимдлыг төрүүлж буй авлига, шудрага бус явдал, нийгмийн баялгийн хууль бус хуваарилалттай тэмцэх ажлыг эрчимжүүлж, хууль ёсыг хэрэгжүүлэн ажиллах боломж бүрдэх юм байна.