ЖДҮ-ийн барьцаагүй зээл олгодог болно

УИХ дахь МАН-ын бүлэг өнөөдөр  хуралдаж ганц асуудал хэлэлцэх бөгөөд Итгэлийн зээлийн асуудлаар улс төрийн шийдвэр гаргах юм байна. Итгэлийн зээл гэдэг нь жижиг, дунд үйлдвэрлэл эрхлэгчдэд барьцаагүй зээл, бага хүүтэй зээл олгох юм байна. Энэ талаар МАН-ын гишүүд өмнө нь хэлж байсан ч одоогоор итгэлийн зээлийн асуудлаар ямар нэг шийдвэр гараагүй байгаа юм. ЖДҮ эрхлэгчид үйлдвэрлэлээ өргөжүүлэх, ажлын байр нэмэгдүүлэхийн тулд бага хүүтэй, барьцаагүй зээл авах шаардлага гардаг. Гэвч төрөөс олгож байгаа зээлүүд барьцаатай байдгаас олон иргэд зээл авч чаддагүй. Тиймээс итгэлийн зээлийг бий болгох асуудлаар эрх баригч нам улс төрийн шийдвэр гаргах юм байна.