“Бургер Кинг”-ээс 80 гаруй хүн хордсон байж болзошгүй байна

Нэг хэсэг KFC-ийн бүтээгдэхүүнээс олон хүн хордож нийгэмд цочрол үүсгэсэн бол үргэлжлүүлээд энэ сарын 07-нд Зайсан дахь “Бургер Кинг”-д хордсон нэгэн иргэн Халдварт өвчин судлалын үндэсний төв (ХӨСҮТ)-д хандсан. Тухайн үед гэр бүлийн гурван хүн “Бургер Кинг”-д хордсон гэх шалтгаанаар ХӨСҮТ-д хандаад байсан бол энэ тоо нэмэгдсээр байгаа аж. Хэвтэн эмчлүүлж буй өвчтөний мэдээлж буйгаар "Бургер Кинг"-д 80 гаруй хүн хордсон тухай мэдээлэл байна.

ХӨСҮТ-өөс, “Бургер Кинг”-д хордсон гэх хүн өнгөрсөн шөнө нэмэгдэж ирсэн” талаар мэдээллэжээ.

Харин энэ талаар Нийслэлийн мэргэжлийн хяналтын газраас, “Бургер кинг”-ийн Зайсан дахь рестораны хоолноос 32 төрлийн шинжилгээний дээж авч лабораторид шинжлүүлэхээр өгсөн. Хариу нь хараахан гараагүй байгаа. Мөн эмчлүүлж буй өвчтөнүүдийн шинжилгээний хариу гараагүй байгаа. Шинжилгээний хариу гарахаар шалтгаан нь тодорхой болно. Хан-Уул дүүргийн мэргэжлийн хяналтын хэлтсийн шалгалтын бүрэлдэхүүн тус салбарын үйл ажиллагааг түр зогсоосон байгаа” гэжээ.

Ер нь манайхны энэ төрлийн бизнес эрхлэгчид олон улсын нэрд гарсан бизнесийг Монголдоо оруулж байгаа юм бол зөвхөн нэрийг нь авчрах бус үйлчилгээний стандартыг нь хамт оруулж ирмээр байна шүү!!!