Тайландад хулгайн хэргээр эх орныхоо нэрийг унагаж байхад зэрэгцээд мандуулах нэгэн байна

Тайландад зорчиж буй жуулчдаас хулгай хийдэг монголчуудын тухай мэдээлэл тасрахаа болилоо. Саяхан тус улсын хааны ордноос хулгай хийж байгаад баригдсан бүлгийн тухайн мэдээлэл гарч байсан бол Бангкок хотын галт тэргэний буудал дээр словак жуулчны халаасыг ухсан гурван монгол иргэн баригдаад байна. Тэгвэл энэхүү сөрөг мэдээлэлтэй зэрэгцээд нэгэн таатай мэдээ дуулдсан юм. Тодруулбал Тайланд улсад засмал замын дугуйн олон улсын тэмцээн өчигдөр болжээ. Энэхүү тэмцээнд  Монгол тамирчин  хол тасархай түрүүлсэн байна. Тэмцээн 145.5 км-ын зайд өрнөхөд Батмөнхийн Марал-Эрдэнэ 3:50.30 цагийн амжилтаар алтан медаль хүртэж, төрийн дуулалаа эгшиглүүлжээ.