Говь-Алтай аймгийн дарга нар хөрөнгөөр өрсөлдөж , 3 сая төгрөгөөр шарсан нугас зоогложээ

Сүүлийн жилүүдэд энд, тэндэхийн хурган даргаас эхлээд аймаг, сумдын дарга нар хөрөнгө мөнгөөрөө аархах, эрх мэдлээрээ дулдуйдан ёс зүйгүй үйлдэлүүд гаргах болоод буй. Саяханы өдөр ийм нэгэн үлгэр жишээ Говь-Алтай аймгийн засаг даргын тамгын газрынхан шинэ жилээ тэмдэглэх үеэр гарсан байна. Тэрээр шарсан нугасны дуудага худалдаа зохион байгуулахад  Аймгийн иргэдийн төлөөлөгчдийн хурлын дарга Л.Батжаргал 2 сая 800 мянган төгрөгөөр нугасыг авахаар сайрхасан ч, аймгийн засаг дарга С.Гансэлэм түүнээс илүү хөрөнгөтэйгөө батлахаар мэрийж нугасыг 3 сая төгрөгөөр худалдан авсан байна. Мөн тэрээр баярын үеэр 1 сая төгрөгийг хувиасаа гаргаж сугалаанд хандивлажээ.

Төсвөөс цалинждаг аймгийн удирдлагууд төрийн албан хаагчийн 4-5 сарын цалинтай тэнцэхүйц хэмжээний мөнгөөр зөвхөн ганц нугас худалдан авахаар ийнхүү өрсөлдөж, бэл бэнчингээ гайхуулж байна. Иргэдийн татвараар цалинждаг энэ эрхэмүүд нэг үдэш идэх нугасыг хэдэн сая төгрөөр худалдан автлаа яаж хөлжсөн болохыг шалгах цаг болжээ.