"Гоёл 2019" наадмын топ моделиор загвар өмсөгч Н.Сарнай шалгарчээ

"Гоёл 2019" наадам өчигдөр Соёлын Төв Өргөөнд болж өнгөрлөө

Энэ жилийн наадамд 80 орчим загвар өмсөгч оролцож, дизайнеруудын урласан шинэ брэндүүдийг тайзнаа амилуулсан юм.

Монголын шинэ брэндүүд, шинэ дизайнерууд оролцож байгаа нь Гоёл наадмын энэ жилийн онцлог байлаа.

Жил жилийн Гоёл наадмаас топ загвар өмсөгч тодордог. Өнгөрсөн жил загвар өмсөгч Туяацэцэгийн Халиунаа топоор тодорч байсан юм. Энэ жил "Гоёл 2019" наадмын топ моделиор загвар өмсөгч Н.Сарнай шалгарлаа. "Гоёл 2019" наадамд топ модель Т.Туяамаа, О.Уянга, Э.Сэлэнгэ, О.Пүрэвдулам, Х.Бадамгэрэл, Г.Уранцэцэг, Ч.Ундрах нар оролцсон юм.

Монголын дизайнеруудын холбооноос зохион байгуулдаг Гоёл наадам 31 дэх жилтэйгээ золгож байна.