Зөрүүд Д.Одзаяа клипэнд тогложээ

МҮОНТ-ийн нүүр царай болсон хөтлөгч Д.Одзаяа нөхөр болох "нэгэн зүгт" гэх хамтлаг байсны гишүүн Заяатайгаа ихэд романтиглах дуртай нэгэн гэгддэг. Энэ тухайгаа ч сошиалд нээлттэй байдаг тэр нэгэн удаа хоёулангийнхаа нүцгэн эротик мөчийн зургаа дэлгэж олны шүүмжлэлд өртөж байсан удаатай. Нөхөр Заяагийнх нь яриагаар бол Д.Одзаяа нэлээд зөрүү хүн гэнэ. Тиймдээ ч саяхан Заяа олон жил хөндийрсөн уран бүтээлийн ажилдаа эргэн орж эхнэртээ зориулж "Зөрүүдхэн" гэх уран бүтээл гаргажээ. Тус дууныхаа клипэнд зөрүүд эхнэрээ тоглуулсан байна. Уран бүтээлийнхээ талаар  "Монголд залуу гэр бүлийн дунд салалт их байна. Тиймээс  түүний эсрэг юу хийж болох вэ гэж бид хоёр бодсон. Бид цаашдаа олон зүйл хийхээр төлөвлөж байна. Дараагийн уран бүтээл болох нэгэн уянгын дууныхаа клипэнд эхнэртэйгээ хамт тоглосон.  2019 ондоо залуу хосууддаа аль болох үлгэр жишээ байх, чаддаг зүйлээрээ туслах, нийгэмдээ байр сууриа зөвөөр харуулах тал дээр олон зүйл хийхээр төлөвлөж байна." гэжээ.