НИТХ: Хотын даргыг огцруулах асуудлыг хэлэлцэнэ

МАН-ын Удирдах зөвлөлөөс гаргасан шийдвэрийн дагуу нийслэлийн Засаг дарга бөгөөд Улаанбаатар хотын захирагч С.Батболдыг огцруулах эсэх асуудлыг өнөөдөр хэлэлцэнэ.

Тодруулбал, энэ сарын 23 буюу өнгөрөгч баасан гарагт хотын дарга С.Батболдыг огцруулах асуудлыг хэлэлцсэн боловч ирц хүрэхгүй байсаар үдээс хойш МАН-ын бүлгээс уг асуудлаар өнөөдрийг хүртэл завсарлага авсан юм.

Дашрамд дурдахад, НИТХ дах АН-ын бүлгийн зүгээс өнгөрсөн баасан гарагт Ерөнхий сайдыг НИТХ-ын хуралд оруулж ирсэн асуудлаа өөрийн биеэр танилцуулж, төлөөлөгчдийн асуултуудад заавал өөрийн биеэр ирж хариулт өгөх шаардлага тавиад байгаа юм.