Тав тухыг мэдрүүлэгч “Цэмцгэр” брэнд нээлтээ хийлээ

Moderator

2018/11/19

Мөн ч их хүлээсэн дээ гэдэг шиг... Бидний хүсэн хүлээсэн, үйлчүүлэгчдийнхээ дунд хэдийнэ танил болсон “Цэмцгэр” онлайн шоф брэнд болтолоо өргөжин өчигдөр ХУД-ийн Зайсан стар малл-ын 3 давхарт нэрийн барааны дэлгүүрээ нээж, худалдан авагчиддаа улам ойртлоо. Хэзээд ая тух, цэвэр цэмцгэр байдлыг мэдрүүлэхийг чухалчилдаг тус дэлгүүрт 4 хос торгон, хүр хорхойн хөвөн даавуун сетүүд, хүр хорхой мяндсан зузаан хөнжлүүд, орны бүтээлэг, буйдангийн бүтээлэг, дэр, хөшиг гэрийн эзэгтэй таны сэтгэлийг сэргээж, мэдрэмжийг тань хөглөж, гэрийг тань цэмцийлгэх олон бараа бүтээгдэхүүн худалдаалагдаж байгааг дуулгахад таатай байна.

Мянга сонсохоор нэг үз гэдэг дээ. Гол нь чанартай, дахин давтагдашгүй, өнгө материалын өргөн сонголттой, үнийн хувьд ч уян хатан, бөөсрөхгүй, өнгө будаг гарахгүй, харшил өгөхгүй гээд бод л доо. Ямар вэ дээ.

“Цэмцгэр” дэлгүүр өглөө 11 цагаас үдэш 21 цаг хүртэл таны гэрийг гоёхоор, танд тав тухыг бэлэглэхээр ажиллаж байгаа гэсэн шүү. Бас нэгэн таатай мэдээг дуулгахад та онлайнаар захиалсан бараагаа үнэгүй хүргүүлээд авах боломжтой. Нэг удаа худалдан авалт хийсэн бол дахин дахин үйлчүүлэх хүсэл эрмэлзлэлийг төрүүлж, үйлчлүүлэгчдэдээ чанартай бүтээгдэхүүнээр хэзээд бэлэг барьдаг “Цэмцгэр” нэрийн дэлгүүр их хотын залуусын жим татсан газар болох нь тодорхой биз ээ. Учир нь нээлтийн өдөр л гэхэд хүн гишгэх газаргүй хүмүүс ирснийг бодоход аргагүй худалдан авагчдадаа хүлээлт үүсгэсэн нэрийн дэлгүүр болсон нь тодорхой байлаа.