ДУУЧИН Б.АМАРХҮҮ Б.НАРА-Г УТАС ХУЛГАЙЛСАН ХЭМЭЭН СЭРДЭВ

Саяхан дуучин Нара сошиалаар нэгэн мэдээлэл цацсан нь багагүй шуугиан дэгдээж байна. Юу гэхлээр дуулах гэхээсээ илүүтэй байгаа байдлаараа олонд танигдсан нэгэн бол бүсгүй маань хэлэх гэснээ шулуухан хэлчихдэг зантай. Тэрхүү зангаараа өөрийн твиттер хуудаснаа өөрийг нь дуучин Амархүү СБД-ийн цагдаагийн хэлтэст өөрийнх нь утсыг хулгайлсан хэмээн мэдэгдсэн тухайг мэдээлжээ.

Тэрбээр энэ тухайгаа “СБД-н цагдаагаас надруу ярив. Ирж мэдүүлэг өгнө үү гэнэ. Манай “Солонго” рестораны нээлтийн үеэр Дуучин Амархүү нээлтийн арга хэмжээ хөтөлж байсан Чойжоог цус нөжтэй нь хутгаж явчихаад намайг бас утсыг нь хулгайлсан гэж мэдүүлэг өгсөн гэнэ. Би тэрний утсыг хулгайлаад л тэ” хэмээн жиргэжээ.

Дуучин Амархүү өнгөрсөн хавар хөтлөгч Чойжоог зодсон хэмээх мэдээлэл тархаж эхэлсэн бөгөөд тэгсгээд намжсан. Харин тэдний маргаан өнөөг хүртэл шийдэгдэхгүй явсаар дуучин бүсгүйг ийн хэрэгтээ татан оролцуулав бололтой.