Монголын тамирчдын нэг алтан медаль цуцлагдсан гэв үү

"Жакарта-Палембанг 2018" Азийн наадамд Монголын баг тамирчид багагүй амжилттай оролцож буй билээ. Гэсэн хэдий ч Монголын баг тамирчдын нэг алтан медаль цуцлагдаж буй талаарх мэдээлэл тархаж эхэлсэн бөгөөд тамирчны цуснаас сэргээш бодис илэрсэн гэнэ. Энэ тухай Монголын Буудлагын Холбооны ерөнхийлөгч Э.Мөнх-Очир өөрийн цахим хуудаснаа "Нэг алтан медаль цуцлагдсан сураг байна! Загдсүрэн панаалтай ундаагаа болиоч ээ! Допинг мастерууд аа!" хэмээсэн байх бөгөөд Азийн наадамд ажиллаж буй сэтгүүлчид одоогоор энэ талаар ам нээгээгүй байгаа аж. Өмнө нь олимпын наадамд Загдсүрэнгийн тэргүүлдэг МХӨХ-ны тамирчнаас сэргээш илэрч байсан гэх бөгөөд тэрээр дахин тамирчиддаа сэргээш хэрэглүүлсэн эсэх нь мөн хэн гэдэг тамирчин ийн медалиа цуцлуулах болсон нь тун удахгүй тодорхой болох биз ээ.