Самар түүж явсан залуус архидан согтуурч, нэгнийхээ аминд хүрчээ

Сүхбаатар дүүргийн 19-р хорооны нутаг дэвсгэр, “Бага баяны уул”-нд хэсэг залуус архидан согтуурч байгаад нэгнийхээ аминд хүрсэн харамсалтай хэрэг гарчээ. Тодруулбал, наймдугаар сарын 22-ны орой самарт явж байсан таван залуу архи ууж байгаад, маргалдсаны улмаас 37 настай эрэгтэй Б-гийн амь насыг хохироосон байна. Тэдгээр залуусын хоёр нь нийлж Б-г зодсон нь үхэлд хүргэх шалтгаан болжээ.

Сүүлийн үед иргэд хууль бусаар зөвшөөрөлгүй хуш модны самар түүж, түүнийгээ боловсруулж, гар дээрээс иргэдэд худалдаалах нь ихэссэн. Самар түүх хугацаа болоогүй байхад нууцаар, хууль бусаар самар түүж яваад өндөр модноос унаж бэртэх, нэгнийхээ аминд хүрэх таагүй хэргүүд гарсаар байгаа юм.