Ш.Адьшаад нэг мөрөөдөл бий

Төрөөс төрсөн тэрбумтан гэдэг шиг Ш.Адьшааг гаалиас төрсөн тэрбумтан гэж нэрлэх нь ч бий. Ямар бизнес эрхэлдэг нь олон нийтэд ил болоогүй энэ нөхрийг бэл бэнчин зузаантай гэлцдэг. Тэрбээр гаалийн байгууллагад ажиллаж байхдаа авлига авсан хэргээр шалгуулж байсан нь үүнийг бэлээхэн гэрчилнэ. Түүний гаалийн хэргийг энэ удаа хойш нь тавья. Харин жил бүрийн сонгуульд нэр дэвшин өрсөлддөг ч үргэлж өвдөг шорооддог тэрбээр магадгүй ирэх 2020 онд дахин даагаа нэхэж мэдэхээр нөхөр. Түүнд гишүүн болчих юм сан гэсэн битүүхэн амбиц нуугдаж яваа нь хэн бүхэнд нууц биш. Улс төрийн гоц гойд намтаргүй, авилгын томоохон торон сүлжээнд  орооцолдож явсан гэх сэтэртэй “Ховд Хөгжлийн төлөөх сан”-ийн тэргүүн Ш.Адьшааг олон нийт “Хүннү МН” ХХК-ийн захирал гэдгийг тэр бүр мэддэггүй.