Ж.Бат-Эрдэнэ сайдад зам арчлах арга болон зөв бичих дүрэм зааж өгье

Зам, тээврийн хөгжлийн сайд Ж.Бат-Эрдэнэ саяхан өөрийн твиттер хуудаснаа “Шавартй ч шавхайтай ч миний л эх орон. Бүгдээдээрээ хайрлая” хэмээн жиргэсэн юм. Эвдэрсэн замын зураг бүхий хоёр өгүүлбэрээс бүрдсэн уг жиргээнд “Шавартай, бүгдээрээ” гэсэн үгсийг алдаж бичсэн байв.

Тусгаар тогтсон улс орны Зам, тээврийн бодлогыг шууд байдлаар хариуцан ажиллаж буй сайд хүн борооны улирлын үеэр ингэж жиргэсэн нь олон нийтийн бухимдлыг төрүүлсэн билээ. Сошиал орчинд “Хоёр өгүүлбэр холбоод зөв бичиж чадахгүй хүн улс орны зам тээврийн бодлогыг хариуцаж ажиллаж чадах уу”, “Замаа сайжруулъя, шинээр тавья" гэж ярихын оронд салбарын сайд нь ингэж бичих гэж дээ” гэхчилэн шүүмжилсэн юм.