Дүрсгүй фанатад хүндхэн шийтгэл оногдуулжээ

Хөлбөмбөгийн ДАШТ-ний финалийн тоглолтын үеэр талбай дээр гарч, францын багийн шинэ од Мбаппетэй гар цохиж, талбайгаас жаргалтайгаар чирэгдэн гарсан бүсгүйг та бүхэн санаж байгаа. Тэгвэл уг дүрсгүй бүсгүйг Вероника Никулшина гэдэг бөгөөд 21 настай фото модель аж.

Түүнийг төрийн албан хаагчийн дүрэмт хувцсыг зөвшөөрөлгүй ашигласан хэрэгт буруутган 10 мянган рублийн торгууль, 160 цаг олон нийтийн ажил хийх шийтгэл оногдуулж, дахин үймээн дэгдээхээс сэргийлж гурван жил спортын уралдаан тэмцээн үзэх эрхийг нь хассан байна.