Бүтээн байгуулалтыг чанартай хийж, хугацаанд нь дуусгана

ИТХ ын Тэргүүлэгч, НИТХ дахь МАН-ын бүлгийн дарга С.Мөнхчулуун зургадугаар сарын 08-ны өдөр Нийслэлийн Захирагчийн ажлын алба, Нийслэлийн Газрын алба, Нийслэлийн Авто замын хөгжлийн газар, Нийслэлийн хөрөнгө оруулалтын газрын албаны төлөөллийн хамтаар өөрийн тойрогтоо ажиллалаа.

Тэрээр өнгөрсөн онд хийж хэрэгжүүлсэн хөрөнгө оруулалтын ажлын гүйцэтгэл, энэ онд хийгдэж буй хөрөнгө оруулалтын ажлын явцтай танилцсан юм. Мөн СХД-ийн 14 дүгээр хороонд хийгдэж буй "Мини хөлбөмбөг"-ийн талбай бүхий цэцэрлэгт хүрээлэн, Залуус гудамжны тохижилт, 12 дугаар хороонд баригдаж буй 105 дугаар цэцэрлэгийн өргөтгөлийн ажил, 2 дугаар байрны дээврийн засварын ажил, 1 дүгээр байрны урд талд ус зайлуулах шугам тавих ажил зэрэг бүтээн байгуулалтын ажлуудыг эрчимжүүлж, хугацаанд нь чанартай гүйцэтгэж дуусгах үүрэг өгөв.

СХД-ийн 30, 31 дүгээр хороогоор дамжин СХД- рүү холбогдсон авто замын ажлын тэмдэг, тэмдэглэгээг нэмэгдүүлж, шаардлагатай цэгүүдэд хурд сааруулагч, толь хийх үүрэг чиглэлийг албаны хүмүүст даалгалаа.