Тэмка зөрүүд эр болно...

Монголын хошин урлагт жинтэй хувь нэмэр оруулж буй жүжигчин О.Тэмүүжин "Яг түүн шиг" шоунд чамгүй амжилттай оролцож үзэгчдийг байлдан дагуулж байгаа билээ. Тэрбээр анх "Boomtown" хамтлагаар урлагийн гараагаа эхэлсэн төдийгүй "Х-Түц" хамтлагт орж хошин урлагт хөл тавьсан гэдэг. Харин үүний дараагаар "Х-Түц" хамтлагаас өрх тусгаарлан "Эмоци" хэмээх хамтлагийг гэр бүлийн хүнтэйгээ хамтран нээсэн амжилттай явж буйг бүгд мэдэх билээ.. Хошин урлагт хөл тавьснаар өөрийн жүжиглэх чадварыг олон түмэнд өндрөөр үнэлүүлж чадсан Тэмка дэлгэцийн уран бүтээлд ч багагүй хувь нэмэр оруулж хэд хэдэн уран бүтээлд гол дүр бүтээгээд амжсан.

Маргааш яг түүн шиг шоуны 5 дахь дугаар гарах бөгөөд оролцогчид кино жүжигчдийг дууриах ажээ. Энэ дугаарт Тэмка “зөрүүд эрийг номхотгосон нь” киногоороо алдаршсан  ADRIANO CELENTANO-г тайзан дээр амилуулах ажээ. Дүрээ сайн амилуулж чадна гэж түүнд олон түмэн найдаж байна.