Жүжигчин Нямка өөрийн гэсэн бизнес эхлүүлжээ

Дан залуучуудаар цэнэглэгдсэн Монголын хамгийн отгон продакшин бол мэдээж ЭМОЦИ. Г.Нарансолонго, С.Тэмүүжин, Д.Түвшинтөр хэмээх хүмүүсээр удирдуулсан тэдний хувьд их л хичээнгүйлэн ажиллаж яваа харагддаг. Дандаа залуу жүжигчид байдаг болохоор ч юм уу галтай цогтой үзүүлбэрийг үзэгчдэд хүргэж олны анхаарлыг татаж байдаг.

Тус хамтлагийн эмэгтэйчүүдийн хувийн амьдрал, тайзан дээр байгаагаасаа тэс ондоо. Тэдний хувийн амьдралын талаар мэдээллийн хэрэгслээр хэсээд байдаггүйг харахад их л даруухан улс. Үүний тод жишээ нь Эмоциийн жүжигчин Нямка. Олны хараанд тэр бүр өртөөд байдаггүй энэ даруухан ч тайзан дээр бол галзуу. Шинэхэн хүнээ өлгийдөн авч уран бүтээлээ завсарлаад байсан тэрээр удахгүй шинэ бүрэн хэмжээний дэлгэцийн бүтээлээ үзэгчдэд хүргэхэд бэлэн болоод байгаа гэнэ. Үүгээр ч зогсохгүй өөрийн гэсэн Жирэмсний төв нээж бизнес эхлүүлээд байгаа сурагтай.