Эрүүл мэндийн байгууллагын орчин ийм байж болох уу

Улсын эмнэлгүүдээр тойрон явахад дотоод засал, орчин нь аймшигтай байдаг. Улс тэдний гаднах талбай, харагдах байдлыг нь л харж, засдаг болохоос биш дотоод засал,  өрөөний хувиарлалтанд, орны хүрэлцээт байдалд санаа үл зовно. Эднээс хамгийн эмзэглэмээр нь ЭХЭМҮТ-ийн эргэлтийн тасаг нэг иймэрхүү. Шинэхэн хүнээ өлгийдөн авах гэж байгаа ээжүүд хот хөдөөнөөс ЭХЭМҮТ-ийг зорин ирдэг. Гэтэл тэднийг ийм л орчин хүлээж авч байна. Үүнд хэн анхаарал тавьж, арга хэмжээ авах ёстой вэ? Хүний эрүүл мэндийг сахидаг газар өөрөө ийм бохир байж болохгүй биз ээ. Ямартай ч анхаарах ёстой байгууллага, дарга, албан тушаалтнууд үүнийг толгойдоо буулгаж. Яаралтай арга хэмжээ авах хэрэгтэй. Ганц ЭХЭМҮТ гэлтгүй улсын харьяанд байдаг бүх л эмнэлэгт ийм хэсэг бий. Хальтхан ороод гарах үзэмж сайхан байгаад байнга хүний хөл холхиж, асар эрэлттэй байдаг тасгуудын эргэлтийн заал ийм байх нь харьцангуй юм. Ёстой л нөгөө гаднаа гяланцаг, дотроо паланцаг гэж.