ДУУЧИН АНУ: ЦАГААН САРААР Л ГЭР ХОРООЛОЛД ОЧИЖ ҮЗДЭГ, ИХ СОНИН МЭДРЭМЖ ТӨРДӨГ

Олны дунд дуучин Ану нэрээр танигдсан Ч.Уранхолбоо сайн муу олон янзаар хэлэгдэж хэвлэлийн бай болсоор өдийг хүрсэн. Гоё ганган, дэгжин сайхан бүсгүй тодотгол түүнд хамгийн их зохино. Анх арван хэдхэн настайдаа урлагт хөл тавьж байсан тэрээр өдгөө ид хийж бүтээх насан дээрээ яваа нэгэн билээ. Тураах цайны бизнесээрээ охид бүсгүйчүүдийг бишрүүлж байгаа тэрээр нэгэн онигоонд ороод авсан удаатай. Өнгөрсөн жил тэрээр “Би цагаан сараар л гэр хороололд очиж үздэг. Их сонирхолтой санагддаг юм” хэмээн ярьж олны гайхширлыг төрүүлээд авсан. Учир нь анх хамтлаг байгуулах хүртлээ гэр хороололд амьдарч байсан тэрээр ингэж аархах нь инээдтэй ч юм шиг.