Дуучин Б.Цогоо тэнцээгүй нь Voice-ыг шударга шоу гэдгийг харуулсан уу

The Voice of Mongolia-гийн эргэн тойронд өрнөж байгаа сонин хачин зүйлс олны анхааралд байсаар байна. Өчигдрийн дугаарын бас нэгэн содон оролцогч бол та бидний эчнээ таних Соёл-Эрдэнэ хамтлагийн гоцлол дуучин МУСТА Б.Цогтдэлгэр байлаа. Тэрээр 20 жилийн өмнө дуулж байсан, хэдийнэ олонд хүрч хит болсон өөрийн дуу "Түүнд би хайртай байсан" дуугаараа оролцсон юм. Түүний дуу хоолой үзэгчдийг шагшруулж байсан ч шүүгч нарын нэг нь ч эргэж харсангүй. Гэвч тэд эцэст нь эргэж хараагүйдээ бүгд харамссан юм. Эргэж хараагүй шалтгаанаа тайлбарлахдаа үнэхээр адилхан дуурайж дуулж буй өөр хэн нэгэн байна хэмээн бодсон гэв. Гэхдээ тэд ингэснээрээ энэхүү шоу нь хэр шударга болдог вэ гэдгийг харуулсан зүйл боллоо гэсэн тайлбарыг хэлж байлаа.  Харин үзэгчдийн зүгээс дөрвөн шүүгчээс илүү хоолойтой гэсэн үнэлгээг авч чадсан билээ. Эргэж хараагүй дээ шүүгчид бүгдээрээ бантаж буруу юм хэлбэл үзэгчдийн үгэн дайралтанд өртөнө гэдгээ мэдэж байсан учир олигтой зүйл дугарч чадсангүй