Кёкүшюзан Батбаяр гэргий Т.Баясгаландаа зориулж уралдаан зарласан байна

Admin
2018/02/03

Кёкүшюзан Батбаяр гэгээн валентины өдрийг угтаж гэргий Т.Баясгаландаа зориулж хайрын шүлгийн уралдаан зарлаж байгаа өөрийн цахим хуудсандаа нийтэлжээ. Энэхүү хайрын шүлгийн уралдаанд шалгарсан гурван оролцогчийг Японд сүмо үзэх тасалбар, IPhone X гар утас, S7 гар утсаар шагнах юм байна. Тэрээр уралдааны талаар "Сайн байцгаана уу? Фэйсбүүкийн найзууд аа. Та бүхнийхээ дунд нэгэн гэгээлэг уралдаан зарлахаар шийдлээ. Цаг үргэлж хайр, халамжаараа сэтгэлийг минь дулаацуулж, сайхан инээдээрээ намайг баясгаж байдаг ханьдаа зориулж нэгэн бяцхан шүлэг тэрэлснийг та бүхэн санаж байгаа байх. Хоромхон зуурт сэтгэлд бадарсан тэрхүү мөртүүдийг нүүр номынхоо найзуудтайгаа хуваалцсанаар богино хугацаанд фэйсбүүк сүлжээнд олон мянган хүмүүсийн талархлыг хүлээж, басхүү магтаал зэмлэлийг харамгүй хүртсэнд баяртай байна.

Тиймээс тус шүлгийг илүү сайжруулан бичиж боловсронгуй болгох эсвэл нэг сайхан хайрын шүлгийг бичиж ирүүлэх /хошин, уянгын халилтай, хөгжилтэй байж болно./ уралдаан зарлаж байна. Шалгарсан шүлгээр 2 сарын 14 буюу гэгээн хайрын Валинтины өдрөөр гэргийдээ сюрприз барихаар төлөвлөж байгаа бөгөөд та бүхнээсээ ийнхүү туслалцаа хүсч байгаа юм шүү.
-Уралдаанд оролцогчийн шүлгийг "Кёкүшюзан Батбаяр” фэйж хуудсаар хүлээн авна. Мөн шүлгээ илгээхдээ фэйж хуудаст лайк дарж, постыг мөн лайк, шэйр хийнэ үү.
-Та бүхнээс ирүүлсэн шүлгийг Кёкүшюзан Батбаяр пэйж болон Кyokushuzan Batbayar фэйсбүүк хуудаст өдөр бүр нийтлэн уншигчдаас хамгийн олон лайк, шэйр авч олны талархлыг хүлээсэн гурван шүлгэнд дараах урамшууллыг олгоно.
Үүнд:
Нэгдүгээр байр: Японд сүмо үзэх тасалбар.
Хоёрдугаар байрт: IPhone X гар утас
Гуравдугаар байрт: Sumsung S7 гар утас тус тус бэлэглэнэ.
Шүлгийг 2018 оны 2 сарын 2-ний өдрөөс 2018 оны 2 сарын 13 хүртэл хүлээн авч, уралдааны ялагчдыг шалгаруулах бөгөөд 2018 оны 2 сарын 14-ний өдөр шилдэг гурван шүлгийг гэргий Т.Баясгаландаа бэлэг болгон гардуулна. Шалгарсан шүлгүүдийг цаашлаад дуу болгон олны хүртээлд хүргэх боломж ч бас байгаа шүү манайхаан.Та бүхнээс ирүүлсэн шүлгийг мэргэжлийн зохиолч, яруу найрагчдын туслалцаа, сонголтоор фэйсбүүк хуудаст нийтлэх болно” гэжээ.

 

Сүүлд нэмэгдсэн мэдээ
13 цаг

“Туул усан цогцолбор” төслийг хэрэгжүүлснээр жилд 50-100 сая м.куб-аар усны нөөц нэмэгдэнэ
13 цаг

Г.Жаргалсайхан: Нийслэлийн малчид хоршоо байгуулж, сүү, сүүн бүтээгдэхүүн үйлдвэрлэж байна
13 цаг

476 метр урт гүүрийн бүтээн байгуулалт үргэлжилж байна
13 цаг

"Төв Азийн III органик форум ба экспо – 2026 " Улаанбаатар хотноо зохион байгуулагдана
13 цаг

Дэлхийн бэлчээрийн мал аж ахуй эрхлэгчдийн нэгдсэн чуулган маргааш Улаанбаатарт эхэлнэ
13 цаг

Сүхбаатар боомтоор 21.180 тонн АИ-92 бензин орж иржээ
13 цаг

С.Бямбацогт: Аль нэг салбарын эрх ашиг бус, хөдөлмөр эрхэлж буй иргэд болон талуудын эрх ашгийг тэнцвэртэй хангах нь чухал