“Петровис” тэргүүтэй шатахуун импортлогч шантаажчин компаниудын тусгай зөвшөөрлийг нь цуцалъя
Admin
2018/01/25
Дэлхийн зах зээл дээр нефтийн бүтээгдэхүүний үнэ тогтвортой байгаа ч манайд нэмэгдчихээд байгаа. Нэмэгдэх нь битгий хэл, шатахууны хомсдол үүсч, импортлогч хэдэн компанийн нөлөөгөөр иргэд хөлд нь чирэгдээд хэд хоногийг ардаа үдлээ. Үнэндээ төрөө шантаачилж, Монголын төр шатахуун импортлогчдын халаасанд нь гүйж орчихоод байгаа хэрэг. Олон улсын зах зээл дээр шатахууны үнэ буурахад манайд дагаад үнээ бууруулж байсан түүх өнгөрсөн хугацаанд байхгүй.
Харин төрөө шантаажилж байж, шанд нь үнийг хэвэнд нь байлгадаг шантаажчин зан манай импортлогч компаниудад зуршил болоод удаж байна.
Ашиг бага байна, үнээ нэммээр байна гэж гоншигноно. Үнэхээр ашиг бага байгаад байвал больчих хэрэгтэй. Чадахгүй гэвэл шатахуун импортолдог тусгай зөвшөөрлийг нь цуцлаад өөр компанид өгчих. Тэртэй тэргүй хангалттай ашигтай бизнес болохоор өөр компаниуд шүүрээд авна. Ашиггүй ажилладаг гэж гонгинодог ч бодит байдал дээр байдал эсрэгээрээ.
Учир нь, өнгөрсөн жилүүдэд шатахуун импортлогч компанийн эзэд яаж хөлжсөнийг төр түмэн мэднэ. Ашиг багатай ажилладаг бол "Петровис" тэргүүтэй компанийн эзэд оффшорт данс нээлгэж, алтны ордууд худалдаж авах гээд гүйж байхгүй л болов уу. Энд яагаад "Петровис" компанийг онцлон дурдав гэхээр төрөө шантаажилдаг нефть импортлогч компаниудаас тус компани манлайд нь явдаг. Иргэдийг шатахууны хомсдлоор боогоод буй компаниудаас "М Ойл" компани уян хатан байж, шатахуунаа хуучин үнээр нь борлуулж эхэлж байгаа таатай мэдээ байна.
Тэгвэл "Петровис" компанийн түгээгчид удирдлагуудын өгсөн үүрэг даалгавраар шатахуунаа борлуулахгүй байгаа хэмээн хээв нэг хариулж сууна лээ. "Петровис"-ын Ж.Оюунгэрэл хатагтай нэгэн нэвтрүүлгийн үеэр хэлсэн үгэндээ "Төр мөнгө оруулж чадахгүй байгаа юм чинь яахын, улс төрчдөөс ичиж байна. Хэдхэн хүнийг баяжчихна гэж айгаад байгаа юм уу" хэмээн хэлж суусан. Үнэн. Үнэндээ хэдхэн хүн баяжихаад байгаа нь үнэн. Тэдний нэг нь "Петровис"-ын Ж.Оюунгэрэл та. Энэ хатагтай нийгэмд баялаг бүтээж, нэмүү өртөг шингэсэн бүтээгдэхүүн гаргаж байв уу.
Харин эсэргээрээ ард түмний халаасаар өврөө түнтийлгэсэн гэхэд буруудахгүй болов уу. Тэр ч бүү хэл, цаашлаад оффшорт нуусан мөнгөө ямар нэгэн аргаар “угааж” арвижуулахыг санаархан, дахиад мөнгө босгох гэж улайран уул уурхай, газрын хэвлий рүү шунаж эхэлсэн гэдгийг өнгөрсөн хугацаанд хэвлэлүүд онцолж байсан.
Ер нь шантаажчин нефть импортлогч компаниудын тэргүүн магнайд явдаг "Петровис" мэт компаниудад иргэдийг бухимдуулж, зохиомол хомсдол үүсгэж буй энэ хууль бус үйлдэлд нь хариуцлага тооцох ёстой.
Тэд ард түмнийн мөнгөөр хөлжчихөөд, оффшорт мөнгөө нууж, цаашлаад ханаж цадахгүй төрөө шантаажилж байна. Тэр тусмаа шантаажчин, нефть импортлогч компаниудын тэргүүн магнайд явдаг оффшор данстай "Петровис"-ын Ж.Оюунгэрэл хатагтайд эрүүгийн хэрэг үүсгэж шалгах ёстой гэдгийг ч бас илэрхийлмээр байна.
Сүүлд нэмэгдсэн мэдээ
10 цаг
“Туул усан цогцолбор” төслийг хэрэгжүүлснээр жилд 50-100 сая м.куб-аар усны нөөц нэмэгдэнэ
10 цаг
Г.Жаргалсайхан: Нийслэлийн малчид хоршоо байгуулж, сүү, сүүн бүтээгдэхүүн үйлдвэрлэж байна
10 цаг
476 метр урт гүүрийн бүтээн байгуулалт үргэлжилж байна
10 цаг
"Төв Азийн III органик форум ба экспо – 2026 " Улаанбаатар хотноо зохион байгуулагдана
10 цаг
Дэлхийн бэлчээрийн мал аж ахуй эрхлэгчдийн нэгдсэн чуулган маргааш Улаанбаатарт эхэлнэ
10 цаг
Сүхбаатар боомтоор 21.180 тонн АИ-92 бензин орж иржээ
10 цаг
С.Бямбацогт: Аль нэг салбарын эрх ашиг бус, хөдөлмөр эрхэлж буй иргэд болон талуудын эрх ашгийг тэнцвэртэй хангах нь чухал