Г.Өсөхбаяр аваргын гэргий АУ-ы доктор боллоо

Саяхан л "Өмнөх албаны даргыг нь элдвээр хавчиж дарамталсаар ажлаас халж оронд нь очсон, анагаах төгссөн оюутнуудад эмчлэх эрхийн лиценз олгохдоо 15 хүнээс их хэмжээний мөнгө авсан байж болзошгүй гэх шалтгаанаар хууль, шүүхийн хаалга татлаа гэгдээд байсан Эрүүл мэндийн хөгжлийн төвийн дарга асан Б.Нарантуяа өнөөдөр мэргэжлээрээ докторын зэрэг хамгааллаа. Түүнийг дархан аварга Г.Өсөхбаярын гэргий гэдгийг цөөнгүй хүн мэдэх болов уу. Эрүүл мэндийн салбарт цөөнгүй жил ажилласан тэрбээр хэдэн жилийн өмнөөс Эрүүл мэндийн яаманд мэргэжилтнээр ажиллаж байгаад Хүн амын хөгжил, нийгмийн хамгааллын яамны харьяа Сэргээн засалт хөгжлийн үндэсний  төвийн гүйцэтгэх захиралын албыг хаших болсон. Харин А.Цогцэцэг тус салбарын сайдаар очсон даруйдаа түүнийг Эрүүл мэндийн хөгжлийн төвийн даргаар томилсон. Гэвч тэрбээр оны өмнөөс авилгын асуудалтай холбоотой таагүй ярианд орооцолдох болсноор албан тушаалаасаа чөлөөлөгдсөн юм.