Түүний амьдралд ирсэн хамгийн том бэлэг Абүбү

Нийгмийн далд сэдвийг хөндсөн “Орхидос” киноны сэтгэл өвдөм үйл явдал, тэр дундаа бяцхан охины хэцүүхэн амьдралын тухай үзэгчид одоог хэр нь санадаг биз ээ. Тус киноны хоёр ч ангид амжилттай тоглож, томоохон наадмаас шагнал хүртэж байсан жүжигчин А.Орхонтуул авьяас чадвараа эрт таниулсан сэргэлэн охин. Кино урлагт эд дэлгэрч байх үеэрээ бяцхан жүжигчин маань гэрийн эзэгтэй болж нярайлсан. Дөнгөж 20 насны босгыг давж байж арай үгүй байлгүй гэх хүмүүс олон байсан ч бяцхан охин жинхэнэ хайр дурлалтайгаа учирч бяцхан үрээ өлгийдөн авсан. Тэгвэл Орхонтуул саяхан анх удаа үрийнхээ зургийг цахим ертөнцдөө нийтэлжээ. Тэрээр 2017 оны хамгийн том уран бүтээл. Амьдралд минь ирсэн маш том бэлэг. Миний Абүбү. Ирж буй шинэ ондоо ихийг хийж бүтээнэ ээ. Бодсон санасан юм их байгаа. Бодит болгоно хэмээжээ. Ямартай ч Орхонтуул 2018 ондоо уран бүтээлчийн карьераа нэлээдгүй өсгөх бололтой.