Үлгэрийн орны шинэ жил

Шинэ он хаяанд ирж албан байгууллагууд сүртэй нижгэр шинэ жилээ тэмдэглэж олны анхаарлыг татаж байх үед Гэгээн ертөнц цэцэрлэгийн багачууд ч бас шинэ жилийн баяраа зохион байгуулсан байна. Тэд өөрсдөө баярлахаасаа илүүтэй бүтэн жилийн хугацаанд юу сурснаа аав ээж, өвөө, эмээдээ тайлагнаж тэднийгээ баярлууллаа. Янзан бүрийн амьтан, барби гээд тоглоом шиг эгдүүтэй энэ жаахан хүмүүс дуулж, бүжиглэж, шүлэг уншиж өөрсдийн авьяасаа гайхуулсан байна. Яг л үлгэрийн гэмээр шинэ жил болж өнгөрчээ. Ийм мундаг хүүхдүүдийн инээд хөөр цалгилсан энэ үдэш өвгөн аав маань зочлон ирж хүүхдүүддээ бэлгээ өглөө. Энэ жил тэдэнд сурч мэдсэн зүйл зөндөө байлаа. Ирэх жил ч тэдэнд сурч боловсрох зүйл өчнөөн байгаа.