ЖҮЖИГЧИН ЗОЛБООТ АНХ УДАА ПАПАРАЦИДУУЛЛАА

Даруухан, нам жим амьдардаг жүжигчин Золбоот анх удаа манай папараци дуранд өртлөө. Тэрээр энэ жилийн наадмаар Хүй Долоон Худагт хэсэг нөхдийн хамт яваад ийнхүү бидэнд “баригдсан” нь энэ. 

    Нэг хэсэгтээ л Золбоотгүй кино гэж Монголд байхгүй болсон. Одоо ч гэсэн кино дэлгэцнээ харагддаг “идэвхтэй” жүжигчдийн нэг. 1990-ээд онд Монгол хүүхнүүдийн зүрхийг шархлуулж явсан тэрээр амьдралын хувьд тогтвортой нэгэн. Хүүгийнхээ хамт амьдардаг түүний эхнэр гадаадад мэргэжил дээшлүүлдэг гэсэн. Гэрээ сайн харан, хүүгээ өсгөн хүмүүжүүлж яваа жүжигчин маань энэ жилийн сонгуулиар ихэд  эрэлт хэрэгцээтэй байсан гэнэ лээ. 

    Сүүлийн хэдэн жил хошин урлагийн “Шилдэг инээд” хамтлагт хүчин зүтгэж байгаа ч түүнийг дэлгэцийн уран бүтээлдээ илүү тохиромжтой, хошин урлагийн төрхтэй биш хэмээн Монголын ард түмэн дурамжхан байдаг нь нууц биш.