Гурван хүн гэртээ угаартаж нас баржээ

Улаанбаатар хотын хэмжээнд арваннэгдүгээр сарын 26-ны өдрийн 05:00 цагаас арваннэгдүгээр сарын 27-ны өдрийн 05:00 цагийн хооронд иргэд, байгууллагаас нийт 1745 мэдээлэл шалгагдсанаас, гэмт хэргийн 186, зөрчлийн 1398, согтуугийн 123, зам тээврийн  ослын 261, мэдээллээс гэмт хэргийн шинжтэй 98 үйлдэл бүртгэгдсэнийг холбогдох нэгжүүд шалгаж байна.

Тодруулбал, Сонгинохайрхан дүүргийн 23 хороонд “Угаартаж нас барсан хүн байна” гэсэн мэдээллийг арваннэгдүгээр сарын 26-нд авч шалгахад тус хороонд оршин суух Ч /эм.86н/, А /эм.62н/, Увс аймгийн харъяат Б /эр.50н/ нар ил харагдах гэмтэл шархгүй угаартсан байдалтай нас барсан байжээ. Хэргийг Сонгинохайрхан дүүргийн цагдаагийн гуравдугаар хэлтэст шалгаж байна.