О.Баасанхүүг намаас нь хассаныг мэдэгдэв

Admin

2017/11/21

МАХН-ын Гүйцэтгэх хороо мэдээлэл хийж О.Баасанхүү гишүүнийг “Олигархуудын гар хөл болж, эздийнхээ захиа даалгавраар эх орон, намын эрх ашгийг хохироосон” хэмээгээд энэ асуудлаар гурван баримт дэлгэсэн юм.

Ерөнхийлөгчийн 2017 оны сонгуульд МАХН-аас нэр дэвшсэн С.Ганбаатарын эсрэг ажиллаж, өрсөлдөгчийг нь илт дэмжин, тэдний ялалтыг луйвардах боломж олгосон.
“Эрдэнэт” компанийн ОХУ-ын эзэмшиж байсан 49 хувийг Монголын бүх иргэдэд хувьцаа болгон олгох талаар гаргасан тогтоолд эсрэг санал өгч, Эрдэнэтийн иргэд төдийгүй монголчуудын дургүйцэл, зэвүүцлийг төрүүлсэн.
Олон хүний эрхийг зөрчиж, хэлмэгдэл гардан явуулсан, ТЕГ-ын дарга асан Б.Хурцынг өмгөөлөн хамгаалж, чухамхүү хэний гар хөл болдгийнхоо үнэн нүүр царайг илчилсэн гэжээ.

Гүйцэтгэх зөвлөл “О.Баасанхүү нь МАХН-аас нэр дэвшсэний ачаар УИХ-ын гишүүнээр сонгогдсон мөртлөө биеэ хэт тоож МАХН-ын Бага чуулган, Гүйцэтгэх товчооны хуралд ирдэггүй, намын үйл ажиллагаанд огт оролцдоггүй, намын нөхдийн дунд нэр хүндээ алдсан. Түүний улс төрийн намын хууль, намын дүрмийг удаа дараа зөрчсөн үйлдэл МАХН-ын гишүүнээс хасагдсанд тооцох үндэслэл бүрдүүлж байна” гэлээ. Мөн О.Баасанхүүг МАХН-ын нэрийн өмнөөс ямар нэгэн үйл ажиллагаа явуулах эрхгүйг албан ёсоор мэдэгдсэн юм

Сүүлд нэмэгдсэн мэдээ