УИХ-ын гишүүн Саранчимэг, Ундраа нар өрөө төл

УИХ-ын гишүүн Б.Наранхүүгийн төрсөн эгч УИХ-ын гишүүн Б.Саранчимэг та зээлээ төл
УИХ-ын дарга М.Энхболдын үеэл дүү УИХ-ын гишүүн А.Ундраа та зээлээ төл

Боловсролын яамны зээлээр гадаадад сурчихаад гэрээгээ дүгнэж, зээлээ төлөлгүй алга болсон 300 гаруй хүнийг зарлахад эрхэм гишүүд багтлаа. Улаанбаатар хотод "газрын наймаа"-гаар баяжсан Б.Наранхүүгийн "брэнд хатагтай" нэртэй Б.Саранчимэг ичих хэрэгтэй. "Цөмийн хаягдал Монголд булах" тухай асуудалд холбогдсон А.Ундраа ичих ёстой. Төрийн мөнгөөр сурсан бол мөнгөө төлөх ёстой. Тэд гишүүд дундаа нэлээн хөрөнгө чинээтэйдээ тооцогддог. Гэсэн ч зээлсэн мөнгөө төлөхгүй байж улсын мөнгөнд шунаж, гар дүрж явдаг энэ гишүүдийн тансаглал хэрээс хэтэрлээ. Энэ мэт хүмүүсийн өмнөөс ард иргэд өрнөөс гарахын тулд бүсээ чангалах хэрэгтэй гэнэ. Эрхэм гишүүд болох та нар эхлээд улсаас идсэн өрөө төл. Тэгээд дараа нь ард түмэн бид бүсээ чангалъя