Би өсөж том болж байна

Хүүхэд бол цагаахан цаас. Тэд юмсыг амархан сурч, хөгжиж байдаг. Бяцхан хүүхдүүд ямар хүмүүжилтэй ар гэрт өсөж байгаа нь чухал ч мөн цэцэрлэгээс авах хүмүүжил их чухал. Ихэнхи ээж аавууд завгүй байгаагаасаа болоод хүүхдэдээ тэр бүр анхаарал тавьж, аливаа зүйл рүү нь чиглүүлж чаддаггүй. Харин үүнийг цэцэрлэг л зааж өгдөг. Тэд нэг л мэдэхэд дуулж бүжиглэж, өнгө ялгаж, гарын ур дүйгээрээ хайчилж нааж, зурж сурсан байдаг. Бид түүнийг нь хараад том болж байгааг нь мэдэрч хүүхдээ магтдаг ч үүнийг нь зааж өгсөн багш цэцэрлэгийг хэзээ ч дурсдаггүй. Энэ удаа бид Гэгээн ертөнц цэцэрлэгийн бага бүлгийн нэгэн өдрийн үйл ажиллагааг та бүхэнд хүргэх гэж байна. Тэдний ихэнхи нь 2 настай бяцхан үрс байгаа. Гэсэн хэдий ч тэд аль хэдийнээ зурж, нааж, харандаагаа зөв барьж,  өнгө ялгаж сурсан байна. Тэд хэчнээн нямбай зурж, будсаныг хардаа.