Тэргүүн хатагтай буудлаас хөөгдөв

Эстони улсын тэргүүн хатагтай асан Эвелин Ильвес энэ долоо хоногийн эхээр өөрийн шинэ найз залуу Сийм Риккерыг албан ёсоор танилцуулсан бөгөөд саяхан Шуберт гэдэг нохойноосоо болж эвгүй байдалд орсноо ярьжээ. 

Эвелин бүсгүй хайртай нохойгоо хаа явсан газраа дагуулж явдаг нэгэн. Зоогийн газар, банк, төр засгийн байгууллагуудаар явсан ч тэр нохойтойгоо байдаг гэнэ. Тэгвэл саяхан тэрбээр дөрвөн хөлт нөхрөө гадаа орхиход хүрчээ. Эвелин хэд хоногийн өмнө нохойтой хүмүүст үйлчилдэггүй буудалд өрөө захиалсан аж. Тэрбээр буудалд буухаар шөнө дөл болсон хойно очтол зохион байгуулагчид нь нохойтой хүнийг оруулахгүй гээд экс тэргүүн хатагтайг хаалгаараа нэвтрүүлээгүй байна.