Гоёл 2018 болон 30 жилийн сюрприз

“Гоёл” наадмын анхны оролцогчид болох Б.Шатарцэцэг, Г.Энхгэрэл, А.Туяа, Э.Одгэрэл, н.Үүрийнтуяа, С.Ижилцэцэг, С.Ихэрцэцэг, гээд загварын алтан үеийнхэн анхлан эл наадмын тайзнаа мандан бадарч явсан түүхтэй. “Гоёл” наадам эхэн үедээ зөвхөн шилдэг загвар өмсөгч шалгаруулдаг байсан ба анхны наадмын тэргүүн титмийг Б.Шатарцэцэг, Дэд байрыг А.Туяа, “мөнхийн залуу” Н.Одгэрэл Гутгаар байрт шалгарч байсан сайхан түүхтэй. Монголын үе үеийн “Топ” тодотголтой шилдэг загвар өмсөгчдийг шалгаруулж ирсэн “Гоёл” наадам 30 дахь жилийнхээ ойн босгон дээр ирээд байна. Тайзны ард шилдгийн төлөөх ширүүхэн дайн өрнөж, үзэгчид ч энэ жил топ модель хэн болох бол гэсэн хүлээлт дүүрэн байдаг. Тэгвэл үзэгчид түүхт ойн сюрприз юу байх бол гэдэгт ихээхэн анхаарал хандуулж байна. Мөн Гоёл 2018 шоунд зориулж 11-р сарын 24-28 ны өдрүүдэд BLUE SKY-д шилдэг дизайнер болон загвар өмсөгчдийн нэгдсэн загварын долоо хоног болох гэнэ. Харин гала тоглолт нь 29-ний өдөр СТӨ-нд болох нээ. Тэд 30-н жилийн ойн босгоороо ямар гэнэтийн бэлэг барихыг хүлээх л үлдлээ дээ.