2015 онд агаар, ус ба хөрсний бохирдлын улмаас 9 сая хүн амиа алджээ
ВАШИНГТОН. /Си-Эн-Эн/. 2015 онд дэлхийн хэмжээнд агаар, ус ба хөрсний бохирдлын улмаас 9 сая орчим хүн цаг бусаар хорвоог орхисон болохыг олон улсын судлаачид тогтоожээ.
“Си-Эн-Эн” телевизийн мэдээлснээр, АНУ, Их Британи болон өөр хэд хэдэн улс орны 50 орчим байгаль орчин судлаач хамтран судалгаа хийсэн байна.
Судлаачид хэлэхдээ “Агаар, ус ба хөрсний бохирдлын улмаас амиа алдсан хүмүүсийн тоо өлсгөлөн ба байгалийн гамшигт нэрвэгдэн амиа алдсан хүмүүсээс ч олон байна” гэжээ.
Ази болон Африкт агаар, ус ба хөрсний бохирдол нь хамгийн тулгамдсан асуудлуудын нэг болоод байна. Бохирдлын улмаас Энэтхэгт хамгийн олон буюу 2.5 сая хүн амиа алдсан бол Хятадад 1.8 сая гаруй хүн амиа алдсан аж.
“Ядуу буурай улс орнууд эдийн засгийн хөгжилд юу юунаас илүү анхаарлаа хандуулж байна. Гэвч энэ хойгуур нь бохирдол гамшгийн хэмжээнд хүрээд байна. Агаар, ус ба хөрсний бохирдолтой тэмцэхийг чухалчилж байгаа улс орон нэг ч алга” гэж мэдэгдээд, бохирдолтой тэмцэх шуурхай бөгөөд дорвитой арга хэмжээ авахыг олон улсын хамтын нийгэмлэгт уриаллаа.
“Хотын дарга нарын чуулга уулзалт”-ыг зохион байгуулах ажлын хэсэг хуралдлаа
Дүүжин замын тээвэр төслийн барилга угсралтын ажил 84 хувийн гүйцэтгэлтэй үргэлжилж байна
“Ногоон-Улаанбаатар” орон сууц төслийн санхүүжилт, хэрэгжилтийн талаар санал солилцов
Чингэлтэй дүүргийн 37 дугаар сургуулийн усан бассейнтай спорт заалны бүтээн байгуулалт 80 хувьтай байна
Ховд, Баян-Өлгий аймгийн сорьцын лабораторийн шинжилгээ үргэлжилж байна
“Баянхошуу дэд төв”-ийн 150 айлын 4 блок орон сууцны барилгын ажил 92 хувьтай үргэлжилж байна
“BYD” компани батарейд суурилсан нийтийн тээврийн Sky Shuttle төслийг Улаанбаатарт хэрэгжүүлэх боломжийг танилцууллаа