Шинэхэн сингли бүсгүй Сансармаа

Single ladies киноны гутгаар анги аль хэдийнээ үзэгчдийн хүртээл болсон билээ. Киноны анги ахих тусам шинэ содон сонирхолтой дүр бий болж байдаг. Түүнийг нь ч хүмүүс хүлээж байдаг гэхэд буруудахгүй. Тэгвэл Single ladies киноны хувьд олон шинэ дүрүүд нэмэгдсэн ч онцгойлох хоёр хүн байлаа. Нэг нь нутгийн сайхан залуу Алтангэрэл, нөгөө нь баян айлын ганц охин Хадаан нарын дүр юм. Хадаан хэмээх бүсгүй дүрд тоглосон Сансармаа нь шинэхэн гарч ирж байгаа жүжигчдийн нэг билээ. Тэрээр Хатариш хэмээн алдаршсан дуучин Амараатай үерхдэг байсан бөгөөд МҮОНТ-д хөтлөгчөөр ажилладаг байсан нэгэн. АНУ-н Лос Анжелос хотод жүжигчний мэргэжлээр суралцаж байгаад иржээ.