Хийлч Дээгий: Ямар ч байсан амьдралд харамсахгүй л амьдрах ёстой юм байна гэдгээ ахин дахин ойлголоо

Хийл хөгжмийн хатан хаан гэгддэг Дээгийгийн сууж явсан онгоц осолдох шахжээ. Түүний сууж явсан "AirAsia" нислэгийн компанийн онгоцонд нислэгийн үед гэмтэл гарч 24,000 фитийн өндрөөс ослын буулт хийжээ. Тэрээр энэ тухайгаа "Бали орох нислэг амьдралдаа анх удаа орж шокнд орлоо. Ойролцоогоор нисээд нэг цаг орчим болсны дараагаар "Air Asia" онгоцны үйлчлэгч нь аймшигтай хашхираад бүгдийг нь бүр бүх хүмүүсийг гүн шокнд оруулаад өөрөө сандраад үхэнгээ алдав. Бүх хүмүүс доошоо доошоо гээд. За ингээд террористууд нь ороод ирж байгаа юм байна гэж бодлоо. Тун удалгүй хүчил төрөгчийн маск орж ирээд юу юугүй бүгд зүүгээд агаарын дутагдалд орж эхэллээ. Зүгээр л айсан, залбирсан. Тэгээд ослын буулт хийгээд бүх хүмүүс уйлалдаад тэврэлдээд кино болов. Яах ч ёстой юм бүү мэд энэ үед. Ямар ч байсан амьдралд харамсахгүй л амьдрах ёстой юм байна гэдгээ ахин дахин ойлголоо. Сэтгэл, итгэл, залбирал урам хайраа илгээсэн бүх найзууддаа баярлалаа. Та нартаа одоо сайн хандаж байна аа" хэмээсэн байна.