Ц.Оюунгэрэл: Хүний амь тасалдаг Ерөнхийлөгчтэй баймааргүй байна

Монгол Улсын Ерөнхийлөгч Х.Баттулга цаазын ялыг сэргээхээр хуульчдын баг ажиллуулж байгаа тухай мэдээлэл өчигдөр гарсан. Ерөнхийлөгчийн уг санаачлагыг дэмжиж байгаа  ч гэсэн зарим нь шууд эсэргүүцэж байна. Тодруулбал, УИХ-ын гишүүн асан Ц.Оюунгэрэл цаазын ялыг сэргээх Ерөнхийлөгчийн санаачлагыг эсэргүүцэж байгаа талаараа цахим хуудснаа бичжээ. Тэрбээр "Цаазын ялыг эсэргүүцэж байна. Хүний амь тасалдаг Ерөнхийлөгчтэй баймааргүй байна" гэж  твиттертээ жиргэсэн байна. Үүнийг харсан хүмүүс түүнд их ам муутай байгаа юм. Ард түмэн чинь хэрэг хийсэн бүрийг цаазаар ав гээгүй. Хүнээс биш араатнаас гарах адгууснуудад л ийм шийтгэл хүлээлгэх хэрэгтэй хэмээсэн. Гэтэл энэ хүчирхийлэгчдийн амьны төлөө Оюунгэрэл та юу яриад байгаа юм бэ. Таван настай бяцхан хүүхдийг эмэгтэй хүн гэж хүчирхийлсэн тийм хүн дахиад хэн нэгнийг хүчирхийлэхгүй байх нотолгоо байхгүй шүү дээ.