Мисс Гэгээгийн Бяцхан ”НАЙЗ”

МҮОНТВ-ийн “Тусгай Салаа” хэмээх пропаганда кино үзэгчдийг дэлгэцийн өмнө хэсэгтээ л уясан. Тоглосон жүжигчид нь ч “хөөрхөн” од болцгоосон. Тус киноны дэд ахлагч Номингийн дүрээр танигдсан, жүжигчин Гэрэлчулуун буюу Гэгээ нохойтойгоо хамт бидний дуранд туссан юм. 

    Хэн нэгний том нохой өөрийнх нь хайртай жижигхэн нохой руу дайрахад сандран гүйж очин нохойгоо аварсан жүжигчин бүсгүй элсэн дээрх гар бөмбөгийн тэмцээний үеэр ганцаардаж байх шиг харагдсан. “Шинэ үе продакшн”-ы жүжигчин Гэгээд хошин урлагийн төрөл “наалдахгүй” хэмээн зарим хүмүүс ярих юм билээ.

    Монголын сайхан бүсгүй тэмцээний Алтан эрдэнийн өргөмжлөлт, загвар өмсөгч Гэрэлчулууныг нэг хэсэг Алтны магнат, Монголын Дон Жуан Мянганбаяртай учир ургуулсан хэмээн холбож байсан ч жүжигчин бүсгүй үүнийг эрс эсэргүүцэн, няцаасаар ирсэн. “Гоёл” наадмын шилдэг загвар өмсөгчөөр тодорч байсан, олон салбарт хүч үзэн яваа залуу хатагтай нохойдоо амь шигээ хайртай, өөрөөсөө холдуулах тун дургүй харагдсан.