Сэтгүүлч бүсгүй Мөрөөдлийн театрын талаар юу хэлэв

Жүжигчин Алтаншагай, сэтгүүлч Насанжаргал нарыг мэдэхгүй хүн байхгүй. Түрээсний байранд ганцхан матрастай амьдралаа эхлүүлж байсан тэд өдгөө хоёр хүүгийн эцэг эх болон аз жаргалтай амьдарч буй. Насанжаргалын хувьд телевизийн салбараасаа холдож гэрийн сайн эзэгтэй болсноос гадна нөхрийнхөө ар талд бат зогсож, ажил үүргийг нь хуваалцаж байгаа сайн гэргий. Сэтгүүлч бүсгүй өөрийн цахим хуудаснаа "Өчигдөр “Мөрөөдлийн театр”-ын тоглолтыг үзлээ. Уржигдар бас үзсэн. Би ер нь үздэгийн./хэхэ/ Энэ хамтлагийн тоглолтыг байгуулагдсан цагаас нь үзсээр 7-н жил болжээ. Хэдэн юм бичмээр санагдаад. Урьд нь ингэж ам ангайж байсангүй. Хүмүүс ихэвчлэн жүжигчин Г.Алтаншагайн эхнэр гэж хараад магтаж муулахын алинд ч тоохгүй байх вий гэсэндээ юу ч хэлж байсангүй. Энэ удаад энгийн нэгэн үзэгчийн хувьд хэдэн үг хэлье. Эдний тоглолт “Сошиал эвлүүлэг”нэртэй СТӨ-нд тоглогдож байгаа.Ёстой нэг тасархай гоё болж байналээ. Үнэндээ л бардам хэлж чадна. Зүгээр нөхөр нь энэ хамтлагт байгаадаа биш.Угаасаа л гоё болоод байхад бусадтай хуваалцмаар байлаа. Амьдралын олон асуудал стреснээс түр ч гэсэн гарч “үхтэлээ” инээлээ. Зохиол,найруулга,бүжиг жүжигчдийн хувцас хунар гээд аргагүй л монголын хошин урлаг энтертайнмент шоу чиглэлээр хүчтэй ажиллаж чаддаг болжээ. Дээр нь сошиал од “бяцхан булдруу” хочит Өсөр-Ирээдүй гэдэг хөөрхөн хүү. Цангинатал дуулаад гараад ирэхэд нь огшоол явчдын байна.Нас явж байгаан болов уу./хэхэ/Үзэсгэлэнтэй Түмэн-Өлзий,хэзээ ч хөгширдөггүй “Цэцэг” хамтлагийн Батболд хуучирдагүй жинсээрээ гангаран алдарт “Заяа” дуугаараа зрителийг шуугиулж байналээ. Ёстой л нэг юм үзсэн юм шиг болно гэж энэ байх. Тийм ч учраас хэлэхгүй өнгөрч боломгүй санагдаад. Өнөөдөр монголын нийгэм дэндүү стресстэй байгаа. Арга ч үгүй биз. Монгол хүн яаж амьдрах уу,цаашдаа хэнд итгэх үү. Үр хүүхдээ амар амгалан орчинд яаж өсгөх вэ гээд олон асуудал айл өрх бүрийн ард бий.Хүн болгон улс төржиж,тодорхой хэмжээнд оролцоод дуугараад байвал байдал дээрдэж,амьдрал сайжрах юм шиг санаж явцгаана.Ийм нийгэмд юу хэрэгтэй юм. Мэдээж хүн бүр шудрага,зогсолтгүй хөдөлмөрлөх хэрэгтэй ч урлагаар тархиныаа цангааг тайлах нь юунаас ч чухал.Тийм учраас “Мөрөөдлийн театр”-ын тоглолтыг үзээсэй гэж зөвлөх байна. Зарим “өндөр боловсролтой,ухаантай” –мэргэн туулайнууд хошин шог бол доод гарлынхны үздэг жанр мэтээр ярьдаг л юм билээ. Ганган хослол өмсөж, театрын үүдээр дээдчүүлтэй зэрэгцэж алхах сайхан ч ядаргаагаа тайлтал инээж,ээж ааваа баярлуулан, ойрд болзоогүй нөхрөө сугадан,жаахан үрсээ дагуулан сунжиралдах бүүр сайхаан гэж. Би лав ингэж амрах дуртай.Ижий минь бөөн баяр. Завгүй монголчуудын зав гаргаж үзэх тоглолт болжээ" хэмээн өөрийн цахим хуудаснаа бичжээ.