“ӨНДӨР” ТҮВШИН ШАР АЙРАГДААД Л...

Амралтын өдрөө ая тухтай сайхан өнгөрүүлэх янз бүрийн л аргууд байдаг. Тухайлбал, эрчүүдийн хувьд гэр бүлийн хамт сайхан зугаалах, билльярд цохих, боулинг тоглох, анд явах, салхинд гарах гээд л. Тэгвэл УДЭТ-ын жүжигчин, СТА Түвшинхүү буюу “өндөр” Түвшингийн хувьд шар айраг шимэн, найзтайгаа “буу халах”-ыг илүүд үзжээ.

         “Ёстой сайхан ургажээ” гэгчийн шог яриагаар өндөр нурууныхаа хүчээр Монголын ихэнх сайхан хүүхнүүдтэй портнёрлож тоглодог тэрээр хувьдаа жижигхэн студитэй, ажлынхаа хажуугаар энд тэндхийн байгууллагын реклам, шторк хийсэн шигээ  хөөрхөн “халтуур” хийчихдэг сурагтай. 

Манай Монгол залуусын орох дуртай нэгэн ресторан, пабд жүжигчин залуу маань жирийн л нэгэн амралтын өдөр ийнхүү задгай пиво тамшаалан суугаад бидний дуранд “онилогдсон” юм.