Хойд Солонгос дэлхийн хаана ч хүрэх пуужин бүтээсэн нь дэлхий нийтийг сандралд орууллаа
Хойд Солонгосоос хамгийн сүүлд харвасан пуужингын асуудлаар НҮБ-ын Аюулгүйн зөвлөл өнөөдөр /7-р сарын 06/ яаралтай хуралдахаар болсныг НҮБ дахь АНУ-ын төлөөлөгч Никки Хейли мэдэгдлээ. Учир нь тус улсаас сүүлд харвасан баллистик пуужин холын тусгалынх байх өндөр магадлалтай байгаа тул АНУ, Өмнөд Солонгос, Японы төлөөлөгчдийн хүсэлтээр тус зөвлөл ийн хуралдахаар болжээ.
Өчигдөр /7-р сарын 05/ Хуасон-14 хэмээх анхны тив дамнасан баллистик пуужингаа амжилттай хөөргөсөн талаар Хойд Солонгосын телевизээр дамжуулсан юм. Тэдний мэдээлснээр тус пуужин далайн түвшнээс дээш 2,802 километрт хүрч, 933 километр замыг туулан, 29 минутын турш хөөрсөн ажээ.
Харин Оросын Батлан хамгаалах яамнаас тус пуужин дунд тусгалынх байж болзошгүйг анхааруулсан юм. Учир нь тэдний илрүүлснээр пуужин мэдээлэлд дурдсан шиг далайн түвшнээс дээш 2,802 километрт бус 535 километрийн өндөрт хөөрсөн төдийгүй 510 км замыг туулсан аж. Гэвч АНУ-ын талаас дээрх пуужинг холын тусгалынх болохыг баталсан байна.
Орчуулсан: С.Нарангарав
Эх сурвалж: Тасс агентлаг
Ерөнхий сайд Н.Учрал гацаанаас гарсан Газрын тосны үйлдвэрийн бүтээн байгуулалтыг тасралтгүй үргэлжлүүлж, түүхий эдийн хангамжийг баталгаажуулах үүрэг өгөв
Сарьсан багваахайн дуудлагыг Нийслэлийн байгаль орчны газарт өгнө
Шадар сайд Н.Номтойбаяр: Орон нутаг хөгжихөд чөдөр болж буй хууль, эрхзүйн орчныг шинэчилнэ
Нарантуул, Дүнжингарав, Шинэ 100 айл худалдааны төвүүдийн авто зогсоолыг түр хаана
Нийслэлийн хэмжээнд өнгөрсөн долоо хоногт гал түймрийн 31 дуудлага мэдээлэл бүртгэгджээ
Аюулт үзэгдэл, ослын 35 удаагийн дуудлагаар 17 иргэний амь насыг авран хамгааллаа
Цагдаагийн байгууллагын 102 тусгай дугаарт 2189 дуудлага, мэдээлэл бүртгэгджээ