Тэнгисийн урд талын барилгаас дахин төмөр уналаа

Хэдхэн жилийн өмнө Тэнгис кинотеатрын урд баригдаж байсан барилга дээрээс төмөр унаж нэгэн залуугийн аминд хүрсэн хэргийг та бүхэн санаж байгаа биз. Гэтэл энэ хэрэг дахин давтагджээ. Учир нь өнгөрөгч лхагва гарагт тус барилгаас дахин төмөр унаж хоёр автомашины цонхыг хагалсан хэрэг гарсан байна. Азаар хүн бэртээгүй ч ийнхүү иргэд өөрийн эд материалаар хохирлоо.  Ийм хэрэг болоод өнгөрсөн байхад нөгөө мундаг дарга нар хаана юу хийж явна. Ялангуяа салбарын сайд Г.Мөнхбаяр, Дэд сайд Ш.Лхамсүрэн нар хаана байна. Сонгуулийн сурталчилгаа гээд завгүй гүйж яваа биз. Хэн нэгэн эрх мэдэлтэн хүссэн газраа стандартад нийцээгүй барилга барьсаар байна. Үүнээс болж иргэд хохирсоор байх уу? Улсаас зөвшөөрөл авч баригдсан энэ барилгаас төмөр унаж, эд материалаараа хохирсон иргэдийн хохирлыг хэн барагдуулах вэ? Цаашлаад хотын иргэдийн аюулгүй байдлыг хэн хариуцаж хамгаалах вэ? Бидний эрүүл аюулгүй орчинд амьдрах эрх зөрчигдсөөр байна.

PAPARATSI.MN