Хойд Солонгос улс өнөө өглөө зүүн эргээсээ хөлөг онгоц сөнөөх зориулалттай хэд, хэдэн пуужинг зэрэг харважээ.

Хойд Солонгос улс өнөө өглөө зүүн эргээсээ хөлөг онгоц сөнөөх зориулалттай хэд, хэдэн пуужинг зэрэг харважээ. Уг пуужинг Канвон мужийн Вонсанаас харвасан бөгөөд 200 километр зам туулаад Япон тэнгист унасан байна. БНАСАУ-ын энэхүү үйлдэл нь Солонгосын хойгт байрлаж буй АНУ-ын нисэх онгоц зөөгч хөлөг онгоцыг устгаж чадна гэдгээ харуулах зорилготой байсан гэж ажиглагчид үзээд байгаа аж. Хойд Солонгос 5-р сарын 29-нд баллистик пуужин амжилттай туршсан бөгөөд дараа нь энэ сарын 5-ны өдөр нисэх хүчний өргөн хэмжээний хээрийн сургууль зохион байгуулж, сөнөөгч онгоцнууд нь байлдааны нислэг хийсэн юм. Энэ сургуулилт нь Солонгосын хойгт байрлаж байгаа АНУ-ын нисэх онгоц зөөгч хөлөг онгоцнуудыг устгах бэлтгэл гэдгийг тус улсын эрх баригчид зарлаж байгаа. Солонгосын хойгийн байдал 1953 оноос хойших хамгийн эгзэгтэй үедээ ирээд байгаа бөгөөд Вашингтон Хойд Солонгосын цэргийн объектуудад цохилт өгөхөд бэлэн хэмээн мэдэгдэж, БНАСАУ хариуд нь пуужингийн цохилт өгнө хэмээн сүрдүүлсэн. Тус улсын пуужингууд Номхон далай дахь Гуам аралд байрлаж буй АНУ-ын цэргийн баазад хүрэх хангалттай чадамжтай гэдэг нь тодорхой болоод байгаа юм.  

PAPARATSI.MN