Г.Анхмаа үнэхээр шинэхэн амрагтай болсон уу?

3 охин хамтлагийн дуучин Анхмаагийн хувьд бусад гишүүдээ бодвол сураг алдрахгүй яваа нэгэн. Г.Анхмаа экс нөхөр Т.Билэгжаргалтайгаа “Франц үнсэлт” кинонд тоглосон нь түүний жүжигчний хувьд муугүй авьяаслаг болохыг илтгэсэн. Дараа нь хэд хэдэн кинонд ороод гарсан тэрбээр Б.Навчаатай “Үүр битгий цайгаасай” кинонд бүр гол рольд шилэгджээ. Чимээгүйхэн амьдардаг түүний талаар саяхнаас нэг яриа дэгдэх боллоо. ХХБанкны захирал Б.Орхонтой амрагийн харилцаатай болж багагүй хугацааг үдэж буй гэх. Олны танил мисс ч бай урлагийн ч бай бүсгүйчүүд банкир эрхмүүдтэй болзох нь ойр дөт зүйл. Бараг л “Амьд АТМ” шахуу болоод тэр биз. “Гурван охин” хамтлагийн карьер тийм ч гялалзам биш гишүүд тус тусдаа хувь имиждээ анхаарах болсон. Ойр ойрхон залуустай нэр холбогддог гишүүд дундаа Г.Анхмаа “цэвэрхэн” нь явсан билээ.