Хятадууд Хөлөнбуйрын малчдыг зодож, нэгнийх нь аминд хүрчээ

Хөлөнбуйр аймгийн Шинэ Барга зүүн хошууны Хандгайт сумын Шугуйт гацааны малчдын газрыг хятадууд булаахыг завдсан байна. Улмаар нутгийн ардуудыг зодож, нэг хүний амь насанд хүрчээ. Энэ тухай бичлэг цахим ертөнцөд тавигдсан нь олон хүний дургүйцлийг хүргэж байна. Бичлэгт талийгаачийн морийг жийпээр, өөрийг нь цагаан тэргээр дайрч хөнөөж байгаа нь үлджээ. Сүүлийн үед энэ төрлийн хүчирхийлэл Өвөр Монголд олон гардаг болоод байгаа аж.

Өмнө нь Дорноговийн Айраг сумын нутгийн 90 гаруй хувийг эзэгнэсэн хятадууд иргэн Т.Сүхболдыг дайрч байсан тухай мэдээлэл цацагдаж байсан.  Тухайн үед тус хэргийг хав дараад өнгөрсөн гэх мэдээлэл бий.