Ерөнхийлөгчийн сонгуулиар ард нийтийн санал асуулга явуулахгүй

Эрх баригчид Ерөнхийлөгчийн сонгуультай хамтатган Үндсэн хуульд нэмэлт өөрчлөлт оруулах эсэх асуудлаар Ард нийтийн санал асуулга явуулахаар төлөвлөөд байсан. Ингэснээр төсөв хэмнэнэ гэж үзсэн. Гэвч гишүүд Ард нийтийн санал асуулгыг хойшлуулах саналд нэгдсэн байна. УИХ-ын гишүүн Г.Занданшатарын хэлснээр “Ард нийтийн санал асуулгыг илүү төгөлдөржүүлэхийн тулд ирэх зургадугаар сарын 5-наас наймдугаар сарын 1-нийг хүртэл ард нийтийн хэлэлцүүлэг зохион байгуулахаар болж байгаа” гэв. Хэлэлцүүлгээс гарсан санал, дүгнэлтийг нэгтгэж есдүгээр сард УИХ-д өргөн барих юм байна. Мөн Үндсэн хуульд нэмэлт өөрчлөлт оруулах үүрэг бүхий ажлын хэсэг өчигдөр УИХ-ын даргад төслөө өргөн барьсан билээ.

PAPARATSI.MN