Хятад эмэгтэй хүүхдүүд хулгайлахыг завдсан гэх мэдээллийг шалгаж байна

Хятад эмэгтэй бага насны гурван охиныг хулгайлаад явж байгаад баригдсан талаарх мэдээллийг дөнгөж сая цахим хуудсаар иргэн Цэндсүрэн Дэлгэрсайхан гэгч эмэгтэй хүргэсэн юм. Энэ талаар цагдаагийн байгууллагаас тодруулахад "Мэдээлэл үнэн эсэхийг шалгаж байна. Тун удахгүй мэдээлэл өгнө" гэлээ. 

Тэрбээр "Нэг хужаа эмэгтэй жаахан гурван охиныг хулгайлаад явж байгаад сая Тэди төвөөс баригдлаа. Ёстой аймшигтай юмаа. Нэг охин нь утас үзэж байсан эгчид "эгчээ бид нарыг хулгайлчихлаа авраарай, машинд ахиад зөндөө хүүхэд байгаа" гэж хэлсэн байна. Тэгээд тэр эгч нь цагдаа дуудаад одоо Чингэлтэй дүүргийн цагдаа дээр байна. Ээжүүдээ. Хүүхдүүдээ заавал өөрсдөө сургуулиас нь очиж авч байгаарай" хэмээн сэрэмжлүүлсэн байсан юм.

Өөр эх сурвалжийн мэдээллэж буйгаар Нийслэлд цагаан байрны орчимд амьдардаг хятад хүүхэн хүүхдүүдийг авч явсан гэх бөгөөд 57-р сургуулийн 3-р ангийн гурван хүүхдэд "Бүгдээрээ хамт явъя"  гэж хэлээд дагуулж явсан бололтой. Бид албаны мэдээлэл ирэхээр  энэ талаар эргэн мэдээллэх болно.