Юунд ингэтлээ их сандрав

"Эзэнгүй айл", "Гологдсон хүүхэн", "Жаргал даахгүйн зовлон" зэрэг кинонд эсрэг талын дүрийг гайхалтай амилуулснаараа ард түмэндээ танигдсан Ардын жүжигчин Ж.Лхамхүүг урлагт хайртай ард түмэн хүндэтгэдэг. Залуу байх үеийн л намбалаг тэрээр одоо ч намба зааж, олны нүднээс хол чимээгүйхэн байдаг. Ж.Лхамхүү гэх энэ удаа манай дуранд өртлөө. Тэрээр их л яарч замдаа таарсан хүмүүсийг ч тоолгүй гүйж явна лээ. Учир нь хайртай дүү Амгаагийн бие даасан тоглолт эхлэх гээд хоцрохгүй шүү хэмээн ихэд сандран явж байгаа нь энэ юм.