ТӨВ ТАЛБАЙД БИЕ ЗАССАН ГАДААД ИРГЭД ”БИЕ ЗАСАХ ГАЗАР ОЛДООГҮЙ” ГЭЖЭЭ

Өнгөрсөн бямба гарагт болсон “Улаанбаатар марафон 2017”-ийн үеэр Нийслэлийн Засаг даргын тамгын газрын үүдэнд гадаадын хоёр иргэн бие засаж буй зураг цахим сүлжээгээр тарж, олон нийтийг багагүй бухимдуулсан. Тэгвэл, тус иргэдийг цагдаагийн байгууллагаас эрэн сурвалжилсаны дагуу илрүүлэн Захиргааны хэргийн бүртгэл хийж шүүхэд шилжүүлжээ.

Тэднийг олон нийтийг илтэд үл хүндэтгэн танхайрсан гэж үзсэн бөгөөд шүүхээс Монгол Улсын Захиргааны хариуцлагын тухай хуулийн дагуу 15 мянган төгрөгөөр торгох шийтгэл ноогдуулжээ. Тэд "Хэлмэрчгүй, дээр нь бие засах газар хайгаад олоогүй тул ийн зөрчил гаргасан. Бид хийсэн үйлдэлдээ гэмшиж байна. Монгол Улсын иргэдээс уучлалт гуйя" гэжээ.

PAPARATSI.MN